Partizani ka shënuar fitore minimale 1:0 ndaj FC Shkupit në miqësoren e zhvilluar në Ohër, njofton “infOSport.mk”. Ishte kjo ndeshja e parë për të dyja skuadrat, mirëpo me Partizanin që dukej shumë më i përgatitur, gjithnjë nga ajo që tregoi në fushën e blertë.
Sulmet e skuadrës shqiptare nga Tirana ishin të njëpasnjëshme, ndërsa goli erdhi vetëm në minutën e 20-të më anë të Esat Malës, që përfitoi nga një dalje jo e sigurtë e portierit Naumovski.
FC Shkupi u kanos fare në fund me anë të mbrojtësit Ruatubaje, mirëpo goditja e këtij të fundit përfundoi vetëm mbi portë.
Kujtojmë që të dyja skuadrat në Ohër po përgatiten në prag të ndeshjeve europiane në Europe Conference League.
FC Shkupi me 8 korrik do të përballet me Llapin e Kosovës, ndërkohë Partizani i Ilir Dajës për kundërshtarë do të ketë FC Sfintul George nga Moldavia. (infOSport.mk)
