Trajneri i kombëtares shqiptare, Edi Reja ka publikuar listën me futbollistët e grumbulluar për dy ndeshjet e radhës të kuqezinjve. Bëhet fjalë për dy sfida miqësore të datës 5 dhe 8 qershor, respektivisht ndaj Uellsit dhe Republikës Çeke, të dyja në transfertë.
Në listën e Rejës bien në sy risitë në portë ku janë grumbulluar Alen Sherri i Laçit dhe Romeo Harizaj i Apolonisë, ndërsa nga ana tjetër janë rikthyer të jenë pjesë e kombëtares emra si Taulant Seferi, Trashi apo edhe Çekiçi.
Pa harruar edhe Bekim Balajn, i cili gjithashtu së fundmi ka qenë larg kombëtares. Ndërkaq në ofensivë këtë herë nuk është Armando Broja që mund të grumbullohet me shpresat e Alban Bushit.
