Plotë katër futbollistë janë në dyshim për sfidën ndaj Apolonisë për Partizanin. Valentino Murataj, Stenio Zhunior, Rron Broja dhe Ferhan Hasani nuk ishin të gatshëm për trajnerin Daja kundër Laçit, ndërsa të njëjtit rrezikojnë dhe transfertën kundër Apolonisë në Fier.
Të katër këta futbollistë, janë në luftë me kohën për të qenë gati për ndeshjen e nesërme.
Kujtojmë që Partizani barazoi ndaj Laçit në ndeshjen e javës së 22-të të Kategorisë Superiore. Çinari ishte autori i golit për të kuqtë e Ilir Dajës, teksa Harmon Van Dejv vendosi baraspeshën për kurbinasit.
