Një lajm pikëllues na vjen nga Kumanova, e që ka të bëjë me mesfushorin e Shkëndijës, Armend Alimi. Mesfushori “kuqezi” ka humbur babain e tij, i cili ndërroi jetë gjatë pas ditës së sotme.
I ndjeri Sabri Alimi për disa vite me rradhë kishte punuar në Agjencionin për Rini dhe Sport, ndërsa njëjtë sikurse djali, edhe ai në rininë e tij ishte marrë me futboll, duke luajtur me disa nga skuadrat e rrethit të Kumanovës.
“infOSport.mk” shpreh ngushëllimet më të sinqerta për familjen Alimi, me rastin e humbjes së anëtarit të tyre të afërt.
