
Për shkak pandemisë “Covid 19” siç dihet nëpër stadiume nuk është e lejuar prezenca e tifozëve, mirëpo para derbit të madh në Ligën e Dytë – Lindje në Shtip midis Bregallnicës dhe Tikveshit, erdhi deri te përleshja mes tifozërive të të dyja skuadrave.
“Falanga” në njërën anë dhe “Lozari” në anën tjetër u përleshën në hyrje të qytetit pranë rrethrrotullimit.
“M Net” nga Shtipi ka publikuar një video material, ku shihet përleshja mes tifozërive si dhe ndërhyrja nga ana e policisë.
Ndryshe ndeshja midis Bregallnicës dhe Tikveshit u mbyll me barazim 1:1. Pas këtij barazimi Bregallnica vazhdon të mbajë pozitën e parë në renditje me 36 pikë, ndërkohë Tikveshi me 31 pikë mban pozitën e dytë.