Mesfushori i Arsenalit, Granit Xhaka do të jetë kapiteni i ri te Kombëtarja e Zvicrës. Futbollisti shqiptarë do të udhëheq “helvetët” sot në ndeshjen e parë të Ligës së Kombeve kundër Ukrainës. Xhaka këtë përgjegjësi e merrë nga ana e Stefan Lihtshajner, i cili i dha fund futbollit aktiv.
Xhaka për një periudhë mbante shiritin e kapitenit edhe te Arsenali, mirëpo nuk arriti që ta menaxhojë mirë situatën. Shiriti i kapiteni iu morrë tetorin e vitit të kaluar nga ish menaxheri, Unaj Emeri, pas skandalit që kishte me një tifoz të skuadrës londineze.
Confirmed: Granit Xhaka has been officially named as Switzerland captain, following the retirement of Stephan Lichtsteiner.
Congratulations Granit, we’re so proud of you! #afc pic.twitter.com/TIuDrET9ZZ
— afcstuff (@afcstuff) September 3, 2020
Xhaka kishte hyrë në diskutim me tifozin e skuadrës së tij, derisa po lëshonte fushën në ndeshjen me Kristal Pallas.
Ishte ajo një periudhë shumë e rëndë për Xhakën që ndikoi edhe në paraqitjet e tij me Arsenalin. Madje shumë media shkruanin për largimin e tij nga Londra, mirëpo me ardhjen e Mikel Artetas, gjërat ndryshuan, pasi Xhaka u rikthye ai i vjetri, duke u shndërruar sërish në një nga liderët e “topçinjëve” në mesfushë.
