Presidenti i La Ligës, Javier Tebas thotë se është “i bindur” që liga do të jetë në gjendje të përfundojë sezonin 2019/20 pavarësisht ndërprerjes së shkaktuar nga shpërthimi i koronavirusit.
Dy nivelet e para në Spanjë janë aktualisht në fillimin e një pushimi dy-javor në të gjitha ndeshjet, ndërsa qeveria spanjolle është vendosur gjithashtu të deklarojë një bllokim kombëtar 15-ditor të hënën në një përpjekje për të ndaluar përhapjen e virusit.
Një qasje e ngjashme është përdorur nga autoritetet në të gjithë kontinentin pasi ata kërkojnë të kufizojnë ngjarjet me turma të mëdha, duke rezultuar në një mbyllje gati totale të të gjitha ngjarjeve sportive, përcjell “lajmi.net”.
“Jam i bindur që do të përfundojmë sezonin. Ne po punojmë me ligat e tjera për të përputhur datat,” i tha ai Cope.
Por, ai ka thënë se më tepër do të dihet pas mbledhjes emergjente të UEFA-s të martën.
