Verona vazhdon të befasojë të gjithë me rezultatet pozitive në “Serie A”, ndërsa bashkë me skuadrën vazhdon të shkëlqejë dyshja shqiptare në repartin e mbrojtjes, Marash Kumbulla – Amir Rrahmani, njofton “infOSport.mk”.
Nëse ky i fundit dështoi të ndalë Kristiano Ronaldon në minutën e 65-të, Kumbulla doli të jetë shumë profitabil për Hellas Verona, pasi një penalti e tij e përfituar në minutën e 86-të, edhe atë falë asistencës së VAR, bëri që skuadra e tij në fund të shënojë fitore 2:1, pasi më parë në minutën e 76-të ish milanisti, Fabio Borini kishte barazuar shifrat në 1:1.
Kumbulla va in gol, ma viene annullato per fuorigioco 😮
Resta l'amaro in bocca al difensore dell'Hellas, che compie oggi 20 anni#VeronaJuventus #DAZN— DAZN Italia (@DAZN_IT) February 8, 2020
Një vendim i VAR gjatë 45 minutave të para, ndërkohë i anuloi një gol tjetër Marash Kumbullës, i cili mbetetg në shifrën e vetëm një goli gjatë këtij edicioni në “Serie A”, ku tashmë Verona plotë 8 ndeshje rradhazi nuk dinë për disfatë, përfshirë këtu edhe ndeshjen e mbetur të javës së 17-të të zhvilluar në mesjavë ndaj Lacios në “Olimpiko” (0:0).
Pas 23 xhirove Verona me 34 pikë renditet në pozitën e 6-të, ndërkohë Juventusi vazhdon të mbajë pozitën e parë me 54 pikë.
