Irlandezi Konor MekGregor fitoi brenda 40 sekondash në kuadër të ‘UFC 246’, gjë që shënoi rikthimin e tij në tetëkëndësh pas mungesës 15-muajshe.
Ai tashmë po kërkon një sfidë të re, ndërsa sipas Dana Uajt, gjasat janë të mëdha që kundërshtari i ardhshëm i 31-vjeçarit irlandez të jetë fituesi i duelit ndërmjet Khabib Nurmagomedov dhe Tony Ferguson që zhvillohet në muajin prill në kuadër të ‘UFC 249’.
“Me siguri fituesi i duelit në mes të Khabib dhe Tony”, – ka thënë kreu i UFC-së kur është pyetur për rivalin e radhës së Konor.
Kujtojmë Khabib Nurmagomedov dhe Konor MekGregor u ndeshën mes vete në tetorin e vitit 2018-të, kur ylli nga Dagestani triumfoi, ndërsa më pas shpërtheu sherri jashtë ringut.
Është pritur që irlandezi të ndeshej me Kamaru Usman apo Jorge Masvidal, mirëpo kjo nuk do të ndodhë në një të afërme të largët, sepse ata do të ndeshen me njëri-tjetrin.
