Ylli kosovar i Cyrihut, Benjamin Kololli, ka shkëlqyer në fitoren 4:3 në ndeshjen miqësore që skuadra e tij e zhvilloi në Antalia të Turqisë kundër Hallescher, skuadër kjo që garon në nivelin e tretë të futbollit gjerman, njofton “infOSport.mk”.
Kololli golin e tij të parë e realizoi në minutën e 6-të, ndërsa në minutën e 19-të shënoi edhe golin e dytë personal. “Tripletën” e tij e rrumbullaksoi në minutën e 74-të, ndërsa një gol tjetër për Cyrihun e realizoi marokeni, Mimun Mahi.
74. TOR! Und erneut trifft Kololli! Nach einer Hereingabe von Rüegg bleibt Mahi mit dem Abschluss an HFC-Torwart Müller hängen, den Abpraller drückt unsere Nummer 70 dann zum 4:3 über die Linie! #fcz #fczuerich #stadtclub #FCZlara2020 pic.twitter.com/LjBMaxNYq2
— FC Zürich (@fc_zuerich) January 14, 2020
Cyrihu do ta zhvillojë edhe një ndeshje miqësore këtë fundjavë, kundër austriakëve të Altah, ndërsa më 25 janar do ta rifillojë kampionatin zviceran me ndeshjen kundër Lucernit.
Kololli deri më tani i ka bërë 13 paraqitje në ndeshje me karakter garues, ndërsa në mars Kosova llogarit në të për të qenë në formë për ndeshjen gjysmëfinale të Ligës së Kombeve kundër Maqedonisë së Veriut, e më pas edhe potencialisht finalen kundër Gjeorgjisë ose Bjellorusisë.
