Pas pushimit ndërkombëtar shkaku i ndeshjeve kualifikuese për Euro 2020, ndeshjet e ligës së parë në vendin tonë u rikthyen dje me ndeshjen derbi midis Shkëndijës dhe Akademia Pandevit, ndërkohë sot në program janë edhe 4 ndeshjet tjera, me të cilat do të mbyllet java e 10-të, njofton “infOSport.mk”.
FC Shkupi do të udhëtojë për në Veles, për tu përballur me skuadrën e fundit në tabelë, Borecin, Renova do të luaj në terenin e vështirë në Kratovë ndaj Sileksit, ndërkohë Struga Trim Lum do të ketë për kundërshtarë Rabotniçkin, ndaj së cilës skuadër kishte marrë fitoren e parë historike në kuadër të Ligës së Parë Futbollistike të Maqedonisë.
Ndeshja e fundit e kësaj jave, është ajo midis Makedonija GJ.P dhe Vardarit, në të cilën “kuqezinjtë” do të kërkojnë ti hakmerren skuadrës nga Gjorçe Petrovi, për atë disfatë 0:2 në ndeshjen e parë të edicionit 2019/2020.
Njëherit ishte kjo disfata e vetme e Vardarit gjatë këtij sezoni, ku skuadra e trajnerit Aleksandar Vasoski lidhi një seri prej 8 ndeshjeve pa humbje.
|
LPFM – Java X |
||||||||||||||||||
|
||||||||||||||||||
