Ylli kosovar i Verder Bremenit, Milot Rashica nga sezoni i ardhshëm do të bartë fanellën me numrin e tij të preferuar, 7.
Këtë e ka bërë të ditur vetë klubi gjerman përmes një njoftimi në rrjetet sociale.
Në dy edicionet e kaluara me fanellën e Verder Bremen, Rashica kishte bartur fanellën me numrin 11.
Ky është një sinjal që Rashica nuk do të lëviz në këtë afat kalimtar nga skuadra e Verder Bremen, pavarësisht disa ofertave, përfshirë këtu edhe atë nga skuadra e njohur portugez e e Benfikës.
Rashica sezonin e fundit me Verder Bremenin në Gjermani realizoi 12 gola në total, 9 prej të cilëve në Bundesligë dhe 3 të tjerë në kuadër të Kupës së Gjermanisë. Përveç golave të shënuar, ai ka regjistruar edhe 6 asistime.
Claudio #Pizarro und Milot #Rashica wechseln ihre Rückennummern. Für beide ist es eine Rückkehr 👉 https://t.co/0YK7PUXSb6#Werder | @pizarrinha | @milot pic.twitter.com/PYcz0qvTk8
— SV Werder Bremen (@werderbremen) June 23, 2019
