Janë zhvilluar ndeshjet e javës së 13-të në Ligën e Dytë – Lindje, aty ku Boreci doli të jetë fitues i derbi ndeshjes ndaj Bregallnicës me rezultatin 3:2, njofton ‘infOSport.mk’. Fitoren skuadra kryesuese e siguroi që në pjesën e parë, më saktësisht në dy minutat e fundit, kur fillimisht Kristijan Nikollovski në minutën e 43-të shënoi për 1:0, ndërsa në minutën e 45-të Toni Mirçevski, bëri që Boreci në pushim të shkojë me dy gola epërsi.
Shpresat e mysafirëve nga Shtipi i riktheu Kristijan Velinovski me golin e realizuar në minutën e 52-të, kur ngushtoi epërsinë në 2:1, ndërkohë nuk vonoi shumë dhe Robert Kocev në të 60-tën sërish riktheu epërsinë prej dy golave për vendasit. Gjithçka që mundën të bëjnë mysafirët ishte goli i veteranit Riste Naumov në minutën e 87-të, që në fund velu vetëm për statistikë.
Një fitore shumë të rëndësishme arriti edhe Tikveshi që në terren vendas me rezultatin minimal 1:0 mundi Kit Go. Metodija Delov (65’) ishte autori i golit të vlefshëm 3 pikë për skuadrën nga Kavadari, që në këtë mënyrë vazhdon të jetë në ndjekje të Borecit, ndaj së cilës skuadër do të duhet të zhvillojë edhe ndeshjen e mbetur.
Me po të njëjtin rezultat (1:0) fitore, por si mysafir arriti edhe Kozhuvi që falë golit të Lazar Peev (36’) mundi Partizan Obrshanin, ndërkohë ndeshja në Kamenicë midis Sasa-s dhe Plaçkovicës u mbyll me barazim pa gola.
| LDFM – Lindje, Java 13 | ||
| Boreci | 3 – 2 | Bregallnica |
| Detonit J. | – | Vardari |
| Partizan O. | 0 – 1 | Kozhuvi |
| Sasa | 0 – 0 | Plaçkovica |
| Tikveshi | 1 – 0 | Kit Go |
