Java e 11-të rezultoi shumë pozitive për skuadrat vendase, pasi në 4 ndeshje nga gjithsej 5, fitoreve iu gëzuan skuadrat vendase, njofton ‘infOSport.mk’.
Skuadra e vetme që arriti të marrë një pikë në transfertë ishte Renova, që barazoi pa gola me liderin aktual Vardarin, duke e ndihmuar në këtë mënyrë Shkëndijën që të ngushtojë diferencën tashmë në vetëm dy pikë. Kjo për faktin se Shkëndija e shfrytëzoi terrenin vendas dhe mundi me rezultat bindës (5:1) Makedonija Gj.P. Nga dy gola për ‘kuqezinjtë’ realizuan sulmuesit Besart Ibraimi dhe Valmir Nafiu, ndërsa një gol tjetër realizoi Visar Musliu. Golin e nderit për mysafirët në këtë përballje e realizoi ish futbollisti i Shkëndijës, Hristijan Kirovski.
Akademia Pandev ishte superiore në derbin e Strumicës, duke mundur Bellasicën me rezultatin 3:0, FC Shkupi u mund në Manastir përballë Pobedës me rezultatin 2:0, ndërsa me po të njëjtin rezultat, Sileksi mundi Rabotniçkin në Kratovë.
| LPFM, Java XI | ||
| A. Pandev | 3 – 0 | Bellasica |
| Pobeda | 2 – 0 | Shkupi |
| Shkëndija | 5 – 1 | Makedonija Gj.P |
| Sileksi | 2 – 0 | Rabotniçki |
| Vardari | 0 – 0 | Renova |
