Me ndeshjen ndërmjet Shkupit dhe Shkëndijës gjatë ditës së sotme është mbyllur java e katërt në Ligën e Parë Futbollistike të Maqedonisë, njofton “infOSport.mk”. Rabotniçki dhe Akademia Pandevi me nga 9 pikë kryesojnë renditjen tabelare, ndërsa falë fitores së sotme Shkëndija arriti në kuotën e 8 pikëve, duke i rimarë pozitën e tretë Vardarit, që gjithashtu ka pikë të njëjta me skuadrën kampione në fuqi.
Pasojnë Sileksi dhe Pobeda në pozitat 5 dhe 6 me nga 5 pikë, ndërsa Renova me 4 pikë renditet në pozitën e 7-të. Shkupi dhe Makedonija Gj.P në 4 javët e para kanë tubuar vetëm nga dy pikë, ndërsa këtë javë pikën e parë e morri edhe Bellasica që barazoi 1:1 në ndeshjen ndaj Vardarit.
Për shkak të paraqitjes së përfaqësueses së Maqedonisë në Ligën e Kombeve, pason një pauzë dy javore në kampionat, një rast ky i mirë për futbollistët e rinj për tu adaptuar së më shpejt në mjediset e reja, ndërsa njëkohësisht edhe për trajnerët e skuadrave të Ligës së Parë të punojnë dhe të nxjerrin më të mirën nga futbollistët që kanë në dispozicion.
| # | Ekipi | Nd | F | B | D | G-av. | Pikë |
| 1. | Rabotniçki | 4 | 3 | 0 | 1 | 8:5 | 9 |
| 2. | A. Pandev | 4 | 3 | 0 | 1 | 5:2 | 9 |
| 3. | Shkëndija | 4 | 2 | 2 | 0 | 8:4 | 8 |
| 4. | Vardari | 4 | 2 | 2 | 0 | 5:3 | 8 |
| 5. | Sileksi | 4 | 1 | 2 | 1 | 3:3 | 5 |
| 6. | Pobeda | 4 | 1 | 2 | 1 | 1:2 | 5 |
| 7. | Renova | 4 | 1 | 1 | 2 | 5:6 | 4 |
| 8. | Shkupi | 4 | 0 | 2 | 2 | 2:4 | 2 |
| 9. | Makedonija Gj.P | 4 | 0 | 2 | 2 | 2:4 | 2 |
| 10. | Bellasica | 4 | 0 | 1 | 3 | 2:8 | 1 |
