LPFM, sot luhen 4 ndeshjes të javës së katërt

Për shkak ndeshjes së përfaqësueses së Maqedonisë me 6 shtator kundër Gjibraltarit në Ligën e Kombeve, 4 nga gjithsej 5 ndeshjet e javës së katërt në elitën e futbollit vendor do të zhvillohen gjatë ditës së sotme, njofton “infOSport.mk”.

Renova në Tetovë do të jetë nikoqir i Makedonija Gjorçe Petrovit, me shpresë se do të arrijë fitoren e parë si vendas në edicionin e ri. Një super përballje pritet të zhvillohet në Strumicë, aty ku mejdanin do të ndajnë Bellasica dhe Vardari, Sileksi në Kratovë do të mirëpret Pobedën, teksa nën dritën e reflektorëve do të zhvillohet edhe derbi midis Rabotniçkit dhe Akademia Pandevit.

Epitetin e tillë këtij takimi i’a jep edhe renditja momentale e dy skuadrave në tabelën e klasifikimit, ku Akademia Pandev ka arritur që të marrë tre fitore nga po aq ndeshje dhe me meritë ndodhet në pozitën e parë, teksa Rabotniçki me dy fitore dhe një disfatë renditet në pozitën e tretë.

Ndërkohë derbi shqiptarë midis FC Shkupit dhe Shkëndijës në program është të dielën në Çair me fillim në ora 16:15.