Fitorja minimale 1:0 ndaj FC Shkupit ka lënë në krye të tabelës së klasifikimit skuadrën e Akademia Pandev pas tre xhirove të para, njofton “infOSport.mk”.
Madje skuadra nga Strumica është skuadra e vetme që ka pikë të plota pas këtyre tre xhirove të para, duke lënë pas vetes Vardarin dhe Rabotniçkin që kanë nga dy fitore, me “kuqezinjtë” që renditen në pozitën e dytë me 7 pikë dhe “romantikët” që kanë 6 pikë.
Befason FC Shkupi që ndodhet në “zonën e ftohtë”, edhe pse objektivat e klubit nga Çairi janë të mëdha për këtë edicion, njëjtë sikurse edhe Shkëndijës që në dy xhiro ka vetëm dy pikë, teksa ndeshjen e javës së tretë do ta zhvillojë gjatë ditës së nesërme kur në Tetovë do të mirëpret Bellasicën.
Kjo e fundit pa asnjë pikë renditet në pozitën e fundit, ndërsa me vetëm një pikë një pozitë më lartë ndodhet Makedonija Gjorçe Petrovi, dy skuadra këto që këtë vit u ngjitën në mesin e më të mirëve në futbollin vendor.
| # | Ekipi | Nd | F | B | D | G-av | Pikë |
| 1. | Akademija Pandev | 3 | 3 | 0 | 0 | 5:1 | 9 |
| 2. | Vardari | 3 | 2 | 1 | 0 | 4:2 | 7 |
| 3. | Rabotniçki | 3 | 2 | 0 | 1 | 7:5 | 6 |
| 4. | Sileksi | 3 | 1 | 1 | 1 | 3:3 | 4 |
| 5. | Pobeda | 3 | 1 | 1 | 1 | 1:2 | 4 |
| 6. | Renova | 3 | 1 | 0 | 2 | 4:5 | 3 |
| 7. | Shkëndija | 2 | 0 | 2 | 0 | 2:2 | 2 |
| 8. | Shkupi | 3 | 0 | 2 | 1 | 1:2 | 2 |
| 9. | Makedonija Gj.P | 3 | 0 | 1 | 2 | 1:3 | 1 |
| 10. | Bellasica | 2 | 0 | 0 | 2 | 0:3 | 0 |
