Besart Abdurrahimi nga sot edhe zyrtarisht më nuk është pjesë e Partizanit nga Tirana, njofton “infOSport.mk”. Lajmin e kanë konfirmuar vetë drejtuesit e skuadrës shqiptare përmes faqes së tyre zyrtare në “facebook”, ku kanë njoftuar se me mirëkuptim nga të dyja palët është ndërprerë ky bashkëpunim.
Abdurahimi ishte pjesë e skuadrës që nga fillimi i këtij viti, ndërsa me fanellën e Partizanit rregjistroi 11 ndeshje duke realizuar edhe dy gola.
Ai te Partizani kaloi nga rradhët e Shkëndijës, ndërsa sipas asaj që raporton “VipSport”, destinacion i rradhës i Abdurrahimit mund të jetë skuadra e Kukësit.
