Është shtyrë për 24 orë vendimi që Gjykata e Arbitrazhit Sportiv (CAS) në Lozanë do të marrë për të ardhmen e Milanit, nëse “kuqezinjtë” nga Milano do të luajnë në Liga Europa gjatë këtij sezoni që vjen.
CAS do të marrë ditën e enjte një vendim përfundimtar, ndërkohë që për momentin Milani është jashtë Europës, pas pezullimit 1-vjeçar që ka ardhur nga UEFA. Ndaj kuqezinjtë kanë çuar çështjen në gjykatë, në pritje të një vendimi pozitiv.
Por në kampin kuqezi optimizmi për një përmbysje të vendimi është i madh. Ndërkohë që, para gjyqtarëve do të jetë këtë herë edhe një përfaqësues i pronarit të ri, Elliot, që pritet të ndikojë në këtë vendimarrje të CAS-it.
Bëhet fjalë për Franck Tuil, që do të lëshojë një deklaratë në emër të pronarit të ri. Në krahë të tij do të jetë edhe Marko Fassone si dhe disa përfaqësues të tjerë të Milanit. Ndaj te skuadra “rossonere” ka optimizëm se vendimi i CAS do të rikthejë ata në Europë.
