Aktivizimi i Nordin Amrabat mund t`i kushtojë shtrenjtë kombëtares së Marokut.
Kjo pasi qeveria e futbollit botërorë FIFA ka nisur hetimet, pasi sulmuesi anësorë u aktivizua vetëm pesë ditë pas një përplasje në kokë, gjatë takimit në Kupën e Botës me Iranin më 15 qershor.
Pavarësisht humbjes së kujtesës dhe kalimit të një nate në spital, Amrabat luajti në ndeshjen e dytë të Grupit “B”, në të cilën Maroku u përballë me Portugalinë.
Vendimi për Amrabat për të luajtur ishte kritikuar fuqimisht nga ekspertët e dëmtimit të trurit, i cili vuri në dukje se lojtari duhet të kishte marrë të paktën një javë pushim, sipas udhëzimeve të FIFA-s, raporton “oraneës.tv”.
“Kur e pashë atë që ndodhi, nuk u befasova, por i zhgënjyer dhe shumë i zemëruar. Të gjithë mjekët e ekipit e dinë shumë mirë se çfarë duhet të ndodhë, por sjellja e Marokut ishte në kundërshtim me udhëzimet tona. Megjithëse me këto udhëzime kishim fuqi të mjaftueshme, por tani duket se nuk është kështu. Ndoshta duhet të shkojmë një hap më tej dhe të vendosim sanksione nëse nuk respektohen udhëzimet. Jam i bindur se shumica e mjekëve të ekipit e marrin këtë shumë seriozisht, por tani kemi një problem të ri falë delegacionit mjekësor maroken “, – tha për “Daily Mail”, Michel d’Hooghe, kreu i komitetit mjekësor të FIFA-s.
