Janë mbyllur ndeshjet e javës së 32-të në Ligën e Parë Futbollistike të Maqedonisë, ku kampionët e ri të vendit, Shkëndija ka treguar fytyrën e vërtetë në përballjen ndaj Rabotniçkit, njofton “infOSport.mk”.
Të besuarit e trajnerit Qatip Osmani shënuan fitore bindëse 3:0, duke mundur edhe në ndeshjen e katërt kampionale skuadrën shkupjane, e cila golin e parë e pranoi gjatë pjesës së parë, kur Zhunior shfrytëzoi asistin e mrrekullueshëm të Enis Fazlagiç. Gjatë pjesës së dytë Shkëndija me anë të Todorovskit dhe Alimit shënoi edhe dy gola të tjerë, duke konfirmuar se për momentin është dukshëm skuadër më e mirë dhe më e përgatitur se Rabotniçki, që megjithatë vazhdon të qëndrojë në pozitën e katërt.
Kjo për më tepër ps disfatës së Renovës në Manastir nga Pelisteri (2:3), ndërkohë këtë xhiro nuk kaloi më mirë as FC Shkupi, që në Çair nuk shkoi më shumë se një barazim 1:1 ndaj Sileksit.
Fitore minimale 0:1, mirëpo me aromë mbijetese shënoi Skopje, që në arenën “Filipi i Dytë” mundi Vardarin, teksa fitore identike, mirëpo si vendas shënoi edhe Akademia Pandev që mundi Pobedën.
|
LPFM, Java XXXII |
||
| A. Pandev | 1 – 0 | Pobeda |
| Pelisteri | 3 – 2 | Renova |
| Shkëndija | 3 – 0 | Rabotniçki |
| Shkupi | 1 – 1 | Sileksi |
| Vardari | 0 – 1 | Skopje |
| # | Ekipi | Nd. | F | B | D | G-av. | Pikë |
| 1. | Shkëndija | 32 | 25 | 4 | 3 | 88:25 | 79 |
| 2. | Vardari | 32 | 15 | 7 | 10 | 46:31 | 52 |
| 3. | Sileksi | 32 | 12 | 10 | 10 | 27:32 | 46 |
| 4. | Rabotniçki | 32 | 11 | 9 | 12 | 42:39 | 42 |
| 5. | Renova | 32 | 10 | 10 | 12 | 35:45 | 40 |
| 6. | Akademija Pandev | 32 | 9 | 12 | 11 | 37:40 | 39 |
| 7. | Shkupi | 31 | 9 | 11 | 11 | 36:42 | 38 |
| 8. | Pobeda | 32 | 8 | 8 | 16 | 32:51 | 32 |
| 9. | Skopje | 32 | 6 | 13 | 13 | 19:36 | 31 |
| 10. | Pelisteri | 31 | 7 | 10 | 14 | 31:52 | 31 |
