Rezonanca magnetike ndaj të cilës Isko iu nënshtruan gjatë ditës së djeshme nuk ka dhënë lajme të mira.
Madje është vërtetuar se lojtari “madrilen” vuan nga një çrregullim në shpatullën e krahut të majtë dhe koha e rikthimit të tij mund të shkojë deri në 3 javë. Edhe pse rikthimi në fushë varet nga evolucioni i rikuperimit të tij, ajo që duket e sigurtë për Zidane është se nuk do të mund të llogaritë në të as në “El Clasicon” e 6 majit, duke e ditur që nuk mund të llogaritë as në ndeshjen kthyese ndaj Bajernit të martën.
Isko do të përqendrohet në rikthimin për finalen e Kievit nëse ekipi arrin të kualifikohet, finale e cila luhet më 26 maj dhe për botërorin “Rusia 2018”.
Dëmtimi ka një fazë të cilat duhet të respektohen gjatë rikuperimit dhe nëse nuk i përsëritet do të jetë mirë, por nëse nuk rikuperohet mirë atëherë do të duhet të bëhet operacion sikurse Ramos në vitin e kaluar në të njejtën pjesë të trupit, në shpatullën e krahut.
