E diela në futbollin vendor sjellë ndeshjet e javës së 27-të në Ligën e Parë Futbollistike të Maqedonisë, njofton “infOSport.mk”. Ndeshja që zgjon më shumë interes dhe që pritet me padurim nga futbolldashësit në vendin tonë, është pa dyshim derbi i përjetshëm midis dy skuadrave shkupjane, Vardarit dhe FC Shkupit.
Ndeshja në fjalë do të zhvillohet në arenën “Filipi i Dytë” dhe do të jetë kjo një mundësi e mirë për aktorët e të dyja taboreve për të dhënë më të mirën në fushën e blertë, edhe pse e njëjta nuk do të ketë bukurinë e plotë, pasi nga KF Vardar, kanë ndaluar prezencën e tifozëve mysafir, “Shvercerat”.
Kjo ndeshje starton në ora 16:00, njëjtë sikurse edhe ndeshje Skopje-Rabotniçki, Pelisteri-Shkëndija dhe Renova-Pobeda, teksa një orë më herët në Kratovë mejdanin do të ndajnë Sileksi dhe Akademia Pandevi, dy skuadra këto që pretendojnë të kapin Liga Europa.
|
LPFM, Java XXVII |
||
| Sileksi | 15:00 | Akademija Pandev |
| Skopje | 16:00 | Rabotniçki |
| Pelisteri | 16:00 | Shkëndija |
| Renova | 16:00 | Pobeda |
| Vardari | 16:00 | Shkupi |
