Futbollisti i FC Shkupit, Jasir Asani gjatë ditës së mërkurë është pajisur me take të reja, me të cilat do të provojë fatin për të shënuar edhe ndonjë gol, pikërisht në ndeshjen e radhës, që Shkupi e luan të shtunën ndaj Makedonija Gj.P.
Futbollisti 21 vjeçar, i cili është edhe anëtar i kombëtares së shpresave të Shqipërisë, ka vendosur që në taket e tija të mbajë flamurin kombëtar dhe inicialet e emrit dhe mbiemrit të tij “J.A.”
Deri më tani Jasir Asani ka qenë një nga futbollistët që ka ngritur formën e skuadrës duke qenë në shumë gola asistues, ndërsa dy herë është regjistruar edhe në listën e golashënuesve. (fcshkupi)
