Gostivari – Vëllazërimi është super ndeshja e javës së 6-të në Ligën e Dytë Perëndim. Dy skuadrat e lartëpërmendura pas 5 javëve të para kanë treguar më shumë se çdo skuadër tjetër, duke tubuar më shumë pikë, me Gostivarin që sheh veten në pozitën e parë me 11 pikë dhe Vëllazërimin në pozitën e dytë që ka një pikë më pak, shkruan “infOSport.mk”.
Gostivari në 5 ndeshjet e para ka regjistruar 3 fitore dhe dy barazime, teksa Vëllazërimi ka 3 fitore, një barazim dhe një disfatë.
Struga Trim Lum që në ndeshjen e fundit humbi dy pikë të planifikuara në ndeshjen ndaj Lokomotivës, kur pranoi një gol nga pika e bardhë në minutat shtesë të takimit, kësaj rradhe do të mirëpret Teteksin, me shpresë se do të arrijë fitoren e rradhës në kampionat, Novaci do të përballet me Makedonija Gjorçe Petrovin, Lokomotiva e Nikola Karçev do të jetë nikoqir i Labunishtës, teksa EuroMilku i udhëhequr nga dyshja shqiptare, Aliji-Osmani do të mirëpret Zajazin. Të gjitha ndeshjet e javës së 6-të startojnë në ora 15:00.
|
LDFM – Perëndim, Java VI |
||
| Euromilku | – | Zajazi |
| Gostivari | – | Vëllazërimi |
| Lokomotiva | – | Labunishta |
| Novaci | – | Makedonija Gj.P |
| Struga Trim Lum | – | Teteksi |
