Futbollisti i kombëtares së Shqipërisë, shkupjani Jasir Asani shtatorin e vitit 2017 ishte transferuar te Partizani në Shqipëi për të provuar eksperiencën e parë jashtë Maqedonisë së Veriut.
Te Partiznai, Jasir Asani ia doli të fitojë dhe titullin kampion, ndërsa së fundmi ka zbuluar dhe prapaskenat e transferimit.
Asani ka treguar në “Soccer Talk Podcast” për ish-trajnerin Skënder Gega (fitues i titullit me Partizanin) se ishte nisur fillimisht te Kukësi. Ishte pikërisht Gazment Demi, presidenti i Partizanit, ai që i ndryshoi mendjen pasi Asani mbërriti në Shqipëri.
“Me thënë të drejtën personi i parë që më ka marrë ka qenë presidenti se unë kisha rënë dakord me Kukësin. Isha nisur me makinë dhe sa u futa në kufi më merr presidenti dhe thotë ‘përveç Partizanit nuk ke ku shkon tjetër në Shqipëri’. Personi i parë ka qenë presidenti”, u shpreh Asani.
