Largimi i Igli Tares nga detyra e Drejtorit Sportiv te Lacio nuk do të thotë se për shqiptarët dera e klubit “bardhekaltër” tani do të jetë e mbyllur.
Pasuesi i Tares, Angelo Mariono Fabiani, ka mbyllur marrëveshjen për afrimin e të riut shqiptar, Flavio Sulejmani, që ishte pjesë e Peruxhas.
Sulmuesi 17-vjeçar, pjesë e Shqipërisë U-19, me Lacion ka firmosur kontratë 3-vjeçare. Ai konsiderohet një lojtar me shumë potencial, ndaj dhe drejtuesit e Lacios kanë ngulmuar për ta marrë që tani, edhe pse fillimisht do të luajë me 19-vjeçarët “lacial”.
Synimi është që pas një periudhe përshtatjeje, që mund të jetë vetëm disajavore, Sulejmani të stërvitet me ekipin e parë nën drejtimin e Sarrit.
Te Lacio Sulejmani do të gjejë Elseid Hysajn, i cili do të luajë sezonin e tij të tretë te skuadra kyeqytetase.
