Al-Nassr edhe zyrtarisht ka njoftuar për transferimin e mesfushorit kroat, Marselo Brozoviç, i cili vjen nga Interi për shumën e 18 milion eurove. Me Al-Nassr Brozoviç ka firmosur kontratë tre vjeçare, brenda së cilës periudhë do të përfitojë plotë 75 milion euro, plus edhe bonuse.
Brozoviç largohet nga Interi pas 8 edicioneve të kaluara. Ai me fanellën “zikaltër” ka zhvilluar plotë 330 ndeshje, duke regjistruar 31 gola dhe 43 asistime.
Ai me Interin ka fituar gjithsej 5 tituj, 1 trofe në Serie A, dy Kupa dhe dy SuperKupa të Italisë.
Kroati 30-vjeçar te Al-Nassr do të ketë mundësinë të luaj bashkë me Kristiano Ronaldo. Ende nuk dihet nëse kësaj skuadre do ti bashkohet edhe sulmuesi i krahut i Çelzit, Hakim Zijesh, ndërsa informacionet e fundit flasin që Al-Nassr mund të transferojë edhe portierin spanjoll të Mançester Junajtedit, David de Gea.
Mirëpo këtu nuk është fundi i transferimeve të mundshme te Al-Nassr, skuadër kjo që është në bisedime e sipër edhe me mesfushorin e Lens, Seko Fofana.
