Struga Trim Lum ka zhvilluar një ndër ndeshjet më të mira të këtij sezoni si mysafir, teksa pa shumë probleme mundi Bregallnicën në Shtip me rezultatin e thellë 3:0, njofton “infOSport.mk”.
Skuadra e trajnerit Shpëtim Duro këtë fitore e paralajmëroi vetëm pas 9-të minutave lojë, kur Hristijan Maleski shfrytëzoi harkimin e Edis Maliqit nga e djathta, duke shënuar një ndër golat më të bukur personal të shënuar gjatë këtij sezoni.
Goli i dytë erdhi në minutën e 41-të dhe ishte pjesë e bomberit Besart Ibraimi, që realizoi një gol të bukur nga gjuajtja e lirë, ndërkohë golin e tretë dhe të fundit për ekipin strugan në këtë transfertë e realizoi Marjan Radeski në minutën e 47-të.
FC Shkupi me dy gola të shënuar gjatë pjesës së dytë me anë të Renato Cefas (49’) dhe Fredy Alvarez (69’) mundi Sileksin në Kratovë me shifrat 2:0.
Që dita e sotme të kalojë në shenjën e skuadrave mysafire, u përkujdesën edhe dy skuadrat shkupjane, Skopje dhe Rabotniçki.
“Romantikët” mundën Tikveshin në Kavadar me rezultatin 3:1, ndërkohë Skopje me shifrat 4:0 mundi Pobedën në Prilep, skuadër kjo që me shumë gjasa vitin tjetër do të rikthehet në Ligën e Dytë.
Ish sulmuesi i FC Shkupit, Azer Omeragiç hapi serinë e golave për “piratët” nga Hekurana, ndërsa në pjesën e dytë në skenë dolën dy futbollistët e talentuar shqiptarë, 20-vjeçari Bujar Hajdari dhe 18-vjeçari Besmir Daci, i cili në paraqitjen e tij të katërt me fanellën e Skopjes realizoi golin debtues.
Një gol tjetër për skuadrën e trajnerit Mirsad Jonuz gjatë pjesës së parë, realizoi edhe Mile Todorov.
Kujtojmë, të shtunën Shkëndija mundi Makedonija GJ.P me shifrat 3:1, ndërkohë Akademia Pandev ishte skuadra e lirë këtë xhiro. (infOSport.mk)
|
LPFMV – Java 30 |
||||||||||||||||||
|
||||||||||||||||||
