Çelzi ka vendosur ta shkarkojë trajnerin Thomas Tuchel, ndërsa një gjë të tillë klubi londinez ka bërë përmes një komunikate për media.
“Stafi stërvitor i Chelseat do të marrë përgjegjësinë për skuadrën për stërvitjen dhe përgatitjen e ndeshjeve të ardhshme, ndërsa klubi anglez po shikon mundësitë e emërimit të trajnerit të ri” – thuhet në njoftimin e klubit londinez.
Tuchel te Çelzi erdhi me 26 janar të vitit 2021, ndërsa që në edicionin e tij të parë arriti që të fitoj Ligën e Kampionëve.
Tuchel, skuadrën nga “Stemford Brixh” e udhëhoqi në 99 ndeshje, duke regjistruar 62 fitore, 19 barazime dhe 18 disfata, përfshirë këtu edhe disfatën e mbrëmshme ndaj Dinamo Zagrebit në kuadër të grupeve të Ligës së Kampionëve.
Mbrëmë në “Maksimir”, skuadra e Tuchel u mund minimalisht 1:0, ndërsa edhe starti i dobët në Premierligë (3 fitore, 1 barazim dhe 2 disfata) në 6 xhirot e para, bënë që drejtuesit e Çelzit të mos e diskutojnë shumë shkarkimin e tij.
Kujtojmë në ndeshjen e mbrëmshme Dinamo Zagreb – Çelzi, 1:0, futbollisti shqiparë Arijan Ademi u përzgjodh si futbollisti më i mirë i ndeshjes. (infOSport.mk)
