Përfaqësuesja e Kosovës në futboll nën drejtimin e trajnerit francez, Alan Zhires i ka nisur përgatitjet për katër ndeshjet e Qershorit në kuadër të Ligës së Kombeve. “Dardanët” sot nga ora 10:30 e kanë zhvilluar stërvitjen e parë në Kampin Nacional në Hajvali, derisa pasdite kanë një tjetër stërvitje e cila nis nga ora 17:30 po ashtu në Hajvali.
Të kujtojmë që sfidën e parë Kosova e ka me 2 qershor ndaj Qipros, me 5 qershor në Prishtinë luan me Greqinë, me 9 qershor poashtu në Prishtinë ndeshet me Irlandën e Veriut ndërsa me 12 qershor luan si mysafirë ndaj Greqisë.
