Gjatë ditës së sotme në hapësirat e Federatës së Futbollit vendor, u hosh shorti për ndeshjet gjysmëfinale të Kupës, njofton “infOSport.mk”.
Goglat deshën që në këtë fazë mes vete të takohen dy skuadrat shqiptarë, Shkëndija dhe Struga Trim Lum, derisa në përballjen tjetër ku do të caktohet finalisti i dytë, do të përballen, Vardari dhe AP Brera.
Shkëndija dhe Vardari do të jenë nikoqir në ndeshjet e para që do në program janë javën e ardhshme (9 prill), derisa ndeshjet e kthimit janë paraparë të zhvillohen me datë 23 prill.
Struga Trim Lum është skuadra e vetme që nuk e ka fituar këtë trofe, edhe pse në vitin 2023 ishte shumë afër për të bërë një gjë të tillë, kur vetëm përmes ruletit të penaltive u mposht nga Makedonija Gj.P.
Ndryshe, Vardari ka më shumë trofe të Kupës, gjithsej 5, Shkëndija 2, ndërkohë AP Brera, 1, atë të vitit 2019-të. (infOSport.mk)
