Theo Hernandez doli të jetë protagonisti negativ mbrëmjen e kaluar për Milanin në ndeshjen ndaj Fejenordit.
Francezi ishte ndëshkuar me karton të verdhë që në pjesën e parë për një tërheqje të panevojshme agresive në fanellë ndaj Anis Hadj-Moussa, dhe më pas iu dha një i verdhë i dytë për simulim në zonën e rreptësisë.
Kartoni i kuq të martën mbrëma ishte padyshim një kontribuues i drejtpërdrejtë në paaftësinë e Milanit për të mbajtur epërsinë kundër Fejenordit, që do të thotë se skuadra është jashtë Ligës së Kampionëve, dhe se do të humbasë një përfitim prej 11 milionë eurosh që skuadrat do të marrin pas kalimit në fazën e 1/8-tave të finales.
E gjithë kjo ka sjellë pakënaqësi edhe tek drejtuesit e Milanit, që sipas “La Gazzetta dello Sport”, tashmë kanë gjobitur lojtarin e tyre.
Veprimet e Theo Herandez janë cilësuar si ‘tradhti’ nga media të shumta në shtypin italian, përfshirë gazetën rozë.
Edhe 27-vjeçari ka një situatë paksa delikate në kontratë. Marrëveshja e tij aktuale përfundon në fund të sezonit 2025/26, që do të thotë se ai do të hyjë në vitin e fundit të kontratës së tij në verë.
Tashmë kishte pikëpyetje për një rinovim para të martës mbrëma, duke pasur parasysh se një marrëveshje e re nuk do të jetë e lirë dhe fakti që ai ka qenë në formë të vështirë për pjesën më të madhe të sezonit 2024/25 tashmë.
Pas vendimmarrjes së tij të dobët kundër Fejenordit, Theo Hernandez ka shumë gjëra bindëse për të bërë nëse dëshiron të kthejë karrierën e tij në Milano.
