Filip Dujmoviç edhe zyrtarisht pjesën pranverore nuk do të jetë pjesë e Struga Trim Lum. Një gjë të tillë “infOSport.mk” kishte paralajmëruar që më 17 dhjetor të vitit që lamë pas, ndërsa i njëjti tashmë është konfirmuar edhe nga drejtuesit e Struga Trim Lum përmes faqes së tyre zyrtare.
Dujmoviç skuadrës kampione të vendit i ishte bashkuar verën e vitit 2024-të, kur kishte arritur nga rradhët e skuadrës së njohur boshnjake të Zhelzjezniçar.
Ai me fanellën “bardhekuq” regjistroi 7 paraqitje, 4 prej të cilave në garat europiane dhe 3 në kampionat, duke mos plotësuar kërkesat e drejtuesve të Struga Trim Lum, që më pas ishin detyruar të rikthenin ish gardiain, Vedran Qoshevski. (infOSport.mk)
