FC Shkupi njofton se me marrëveshje të dyanshme ka ndërprerë bashkëpunimin me dy futbollistët, Aleks Zlatkov dhe Michal Pinter.
Mesfushori defanziv, Zlatkov skuadrës së FC Shkupit iu bashkua verën e vitit 2022, kur erdhi nga rradhët e skuadrës sllovene të NK Triglav, derisa sllovaku Pinter, me skuadrën shkupjane u bashkua një vit më vonë, duke arritur nga skuadra sllovake e FC Vion.
Zlatkov një periudhë 6 muajshe të këtij viti luajti në formë huazimi te Makedonija Gj.P, për tu rikthyer sërish te FC Shkupi, mirëpo konkurrenca në skuadër bëri që i njëjti edicionin e ri të luaj vetëm një ndeshje, derisa gjithsej me petkun e skuadrës nga Çairi numëron gjithsej 18 ndeshje.
Sa i përket sllovakut Pinter, i njëjti gjatë periudhës 18 muajshe sa ishte pjesë e FC Shkupit, zhvilloi 42 ndeshje, duke regjistruar edhe 1 gol dhe 4 asistime.
Të gjithë nga tabori i FC Shkupit falënderojnë këtë dyshe për kontributin e dhënë me fanellën “bardhekaltër”, duke uruar që të gjejnë hapësira të reja në karrierën e tyre.
Njëkohësisht drejtuesit e skuadrës “bardheblu” nga Çairi njoftojnë se këto janë vetëm lëvizjet e para në skuadër dhe se ditëve në vijim do të ketë edhe risi të tjera.
