Vahit Murati siç mëson ekskluzivisht “infOSport.mk”, në pranverë do të luaj me fanellën e Bashkimit të Kumanovës. Bëhet fjalë për një futbollistë që luan në krahun e djathtë të sulmit, ndërsa i njëjti te skuadra kumanovare transferohet nga rradhët e KF Arsimit.
23-vjeçari nga Nerashti i Tetovës, karrierën e kishte nisur te Shkëndija e Tetovës, ndërsa gjatë karrierës së tij kishte provuar veten gjithashtu edhe me Renovën, Korabin dhe Voska Sport.
Murati si pjesë e moshave të reja të Shkëndijës, me fanellën “kuqezi” kishte luajtur edhe në Ligën e Kampionëve për të rinjë, ndryshe e njohur si UEFA Youth League. (infOSport.mk)
