Tashmë është gjithçka zyrtare. Daniele De Rosi rikthehet në klubin e tij të zemrës, mirëpo këtë herë në rolin e trajnerit. Futbollisti i cili ja kishte kushtuar një jetë të tërë skuadrës “romake”, rikthehet te klubi amë pas 4 vitesh e gjysmë, duke pasur në postin e trajnerit një legjendë si Hoze Murinjo.
Me këtë të fundit Roma për herë të parë në histori fitoi një trofe europian, Ligën e Konferencës, ndërsa gjithashtu kishte luajtur edhe në finalen e Liga Europa, ku ishte mundur vetëm përmes ruletit të penaltive.
AS Roma are pleased to confirm that Daniele De Rossi has been appointed as head coach until 30 June 2024.
Welcome home, Daniele! 💛❤️
📄 https://t.co/7e6RgE4dmA#ASRoma pic.twitter.com/2GWqAEGnKY
— AS Roma English (@ASRomaEN) January 16, 2024
Megjithatë rezultatet jo pozitive këtë edicion, e sidomos eliminimi nga Kupa e Italisë, nga ana e rivalit të madh Lacios, dhe së fundmi disfata në kampionat nga Milani, bënë që drejtuesit e Romës të humbasin besimin te strategu portugez, i cili në krye të “Ujkeshës Romake” qëndroi për dy vite e gjysmë.
Ai skuadrën e Romës e udhëhoqi në gjithsej 138 ndeshje, duke regjistruar 68 fitore, 30 barazime dhe 40 disfata.
Tashmë rrugëtimin e tij do ta pasojë një legjendë e gjallë e Romës, Daniele De Rosi, me të cilin drejtuesit e klubit nga kryeqendra italiane kanë nënshkruar kontratë për 6 muaj, me mundësi vazhdimi. (infOSport.mk)
