Egnatia dhe Interi do të luajnë një ndeshje miqësore me datë 13 gusht në orën 20:00. Një ndeshje që pritet me padurim për të parë një ekip shqiptar kundër një emri të madh europian, siç është Interi.
Kjo ndeshje kishte marrë formë që më herët, ndërsa së fundmi është zyrtarizuar edhe stadiumi.
Ndeshja midis Egnatias dhe Interit do të luhet në stadiumin “Paolo Mazza” të Ferrarës, aty ku luan edhe skuadra e SPAL.
Ky stadium ka një kapacitet prej 16 mijë vendesh, ndërsa vlen të theksohet se është 5 nga më të vjetrit në Itali.
