Struga Trim Lum është gati për ndeshjen debutuese në kuadër të kualifikueseve të Ligës së Kampionëve. Siç dihet përballë vetes kampionët e vendit do të kenë ekipin kampion të Lituanisë, Zhalgiris.
Ekipi strugan të hënën në mbrëmje do të zhvillojë seancën e fundit stërvitore në stadiumin “LFF” në Vilnius, duke mundur të shijojë terrenin ku të marten (sot) do të luhet ndeshja.
Në seancën e fundit stërvitore trajneri Shpëtim Duro provoi variantet e fundit tekniko-taktike para përballjes së nesërme, që starton në ora 19:00 (ora 18:00 në Maqedoni).
Gëzon fakti se për këtë ndeshje të gatshëm janë krejt futbollistët e Struga Trim Lum. (infOSport.mk)
