Shkupjani Jasir Asani është një nga emrat e rinj në listën e Sylvinhos te Kombëtarja shqiptare. Sulmuesi anësor prej vitesh priste një ftesë nga Kombëtarja shqiptare, e cila më në fund edhe erdhi.
Ishet stretagu brazilian që i dha mundësinë për të realizuar ëndërrën e fëmijërisë , për të veshur fanellën “kuqezi”, me të cilën mbrëmë shënoi edhe golin debutues në ndeshjen e tij të dytë.
Pikërisht paraqitjet e shkëlqyeshme të shkupjanit, ish futbollistit të Vardarit dhe FC Shkupit, bënë që i njëjti të bëhet “top-temë ”, teksa emri i tij u përfol edhe në konferencën për shtyp të trajnerit Bllagoja Milevski në prag të sfidës me Anglinë.
“Për më tej është vendim i tyre, i lojtarëve për të zgjedhur se me cilën përfaqësuese duan të luajnë. Nuk është kontestuese se Jasir Asani ka pasur gjithmonë kualitet për të luajtur, i ofruam gjithçka për të luajtur për Maqedoninë. Ka luajtur për U21 të Maqedonisë, por për më tutje ishte vendim i tij. Jasiri i dëshiroj çdo të mirë dhe shumë suksese në lojërat e përfaqësueses që ai e ka zgjedhur”, tha Bllagoja Milevski.
Asani në të kaluarën kishte mbajtur veshur edhe fanellën e përfaqësueses U21 të Maqedonisë, mirëpo zemra e tij gjithnjë ka rrahur “kuqezi”, ashtu që në fund si duket ka bërë edhe zgjidhjen e duhur, pasi te kombëtarja shqiptare, shkupjani po ka respektin e duhur. (infOSport.mk)
