Në “Shtëpinë e Futbollit”, drejtuesit e Federatës së Futbollit të Maqedonisë, zëvëndës-presidenti Llazar Rakixhiev, sekretari i përgjithshëm Filip Popovski dhe zëvendësi i tij Drilon Ganiu, mbajtën takim me përfaqësuesit e të gjitha klubeve nga Liga e Parë e Futbollit për femra.
Takimin e punës me përfaqësuesit e klubeve e hapi nënkryetari i FFM-së, Lazar Rakixhiev, ndërsa sekretari i përgjithshëm, Filip Popovski, para klubeve prezantoi procedurën lidhur me Rregulloren e Licencimit dhe përkatësinë sportive, infrastrukturën, administrative, kriteret ligjore dhe financiare që klubet duhet të plotësojnë në mënyrë që të mund të përdorin fondet nga skema e solidaritetit të UEFA-s.
Klubet duhet të plotësojnë një ose më shumë nga kriteret e listuara në mënyrë që të përdorin fondet nga skema e solidaritetit të UEFA-s në shumën prej 10,000 eurosh të marra nga të drejtat televizive të Ligës së Kampionëve për Femra.
“Ne kemi një nevojë të dukshme për të krijuar një bazë më serioze të futbollit të femrave dhe për këtë arsye kemi forcuar pjesën operative të punës sonë me detyrimin e klubit për të përmbushur të paktën një nga kriteret e rëndësishme që tregojmë. Rezultatet e viteve të kaluara tregojnë një progres të lehtë, por ne duhet të vazhdojmë zhvillimin dhe këto ndryshime në procesin e licencimit janë një hap në atë drejtim”.
“Zhvillimi i futbollit të femrave nuk duhet të mbështetet në fitim afatshkurtër, por në një vizion afatgjatë. Falë fondeve të solidaritetit që janë baza e këtij lloj projekti, por edhe rritjes së fondit të çmimeve, çdo euro e gjeneruar nga Champions League për femra do t’i kthehet edhe më shumë futbollit të femrave. Synimi ynë është që klubet ta kuptojnë këtë në mënyrën e duhur dhe sigurisht bashkë me federatën të punojnë në përmirësimin e kushteve në futbollin e femrave”, tha Filip Popovski.
