Një dhunë e paparë ndodhi në gjysmëfinale të Kupës së Senegalit, ku mejdanin po ndanin kryesuesit e kampionatit senegalez, Casa Sports dhe Ajel de Rufisque.
Derisa rezultati ishte 2:1 në favor të Casa Sports, në minutën e 90-të, një nga lojtarët e Ajel de Rufisque bëri diçka që në dukje ishte e parëndësishme, por që realisht i tërboi kundërshtarët e tij, duke nisur kështu një gjueti të vërtetë ndaj fajtorit.
𝐋𝐞𝐬 𝐏𝐫𝐚𝐭𝐢𝐪𝐮𝐞𝐬 𝐦𝐲𝐬𝐭𝐢𝐪𝐮𝐞𝐬 principales sources de violence dans les stades.
Que ce soit dans les Navétanes, en coupe du Sénégal ou même en Ligue 1 les pratiques occultes provoquent souvent les incidents dans les stades.#Senegal #sirsport #teamsenegal pic.twitter.com/cZh1QH1OMr
— sirsport.net (@sirsport_) June 15, 2022
Ishte ky momenti nga i cili filloi përshkallëzimi i dhunës në këtë përballje.
Lojtari i Ajel, duke përfituar nga fakti se të gjithë lojtarët e Casa Spors synonin të përgatiteshin për t’u mbrojtur në një goditje dënimi, u drejtua vjedhurazi nga porta e kundërshtarit dhe pasi mori diçka nga toka, ja dha vrapit.
Objektivi i “vjedhjes” ishte një fatsjellës, një shami me fuqi të errëta të vendosura midis shtyllave të Casa Sports për t’u mbrojtur nga sulmet e armikut.
Në mënyrë të pashmangshme, filloi gjuetia për “grabitësin” dhe objektin misterioz, me shtyrje, goditje, tërheqje e britma. Por më e keqja nuk kishte ndodhur ende.
Pas fishkëllimës së fundit të arbitrit, ndodhi sherri masiv: tifozët e Ajel du Rufisuqe pushtuan fushën për të kërkuar drejtësi dhe mbi të gjitha për të protestuar kundër një arbitrimi të konsideruar të pafavorshëm dhe të njëanshëm.
Dhuna u bë protagoniste, me goditje të ndaluara nga të gjitha anët dhe disa persona të mbetur në tokë pa ndjenja.
Padyshim skena të tmerrshme, të xhiruara nga syri gjithnjë vigjilent i kamerave.
