Dy nga skuadrat më të suksesshme në historinë e garave evropiane, Liverpulli dhe Real Madridi, takohen sot në finale për herë të tretë, ku “Stade de France” do të jetë nikoqir i finales së këtij edicioni të Ligës së Kampionëve.
Triumfi më i fundit i Realit, dhe triumfi i tretë radhazi në Ligën e Kampionëve, erdhi në Kiev në vitin 2018 pikërisht kundër Liverpullit, ndërsa ky i fundit e kishte mposhtur gjigantin spanjoll në Paris në vitin 1981 për të fituar kupën e tyre të tretë evropiane.
Në garën për të arritur në finalen e këtij sezoni, Reali kishte një rrugëtim më të vështirë, duke eliminuar rivalët e Liverpullit në Premierligë, Çelzin dhe Mançester Sitin, ndërsa skuadra e Jurgen Klop eliminoi Benfikan dhe Viljarrealin.
Ndërsa Liverpulli synon të fitojë kupën e tij të shtatë evropiane dhe të regjistrojë një triumf të tretë të UEFA Ligës së Kampionëve, Madridi e ka fituar trofeun plot 13 herë, duke përfshirë shtatë herë në epokën e UEFA Liga e Kampionëve – të dyja rekorde të kësaj gare.
Reali nuk ka humbur kurrë një finale të UEFA Ligës së Kampionëve, ku kjo është paraqitja e tyre e tetë në finale, një rekord i ri, duke tejkaluar shtatë të Milanit dhe Juventusit.
Po ashtu, kjo është hera e parë që të njëjtat klube takohen në tre finale të kësaj gare: Reali dhe Reims (1956, 1959), AC Milan dhe Ajax (1969, 1995), Ajax dhe Juventus (1973, 1996), Milan dhe Benfica (1963, 1990), Liverpool dhe Milan (2005, 2007), Barcelona dhe Manchester United (2009, 2011), Real dhe Atlético (2014, 2016) dhe Real dhe Juventus (1998, 2017) kanë luajtur të gjithë me njëri-tjetrin nga dy herë.
Kjo është finalja e pestë e UEFA Ligës së Kampionëve mes klubeve nga Anglia dhe Spanja, dyshja më e shpeshtë e finaleve, një më shumë se italianët kundër spanjollëve.
Ndërkaq, më poshtë mund të gjeni profilin e dy skuadrave nëpër finale të Ligës së Kampionëve.
Liverpulli
- Liverpulli ka fituar 6 nga 9 finalet e tyre të mëparshme të kësaj gare:
1976/77: Liverpull 3-1 Borussia Mönchengladbach
1977/78: Liverpull 1-0 Club Brugge
1980/81: Liverpull 1-0 Real Madrid
1983/84: Liverpull 1-1 Roma (vazhdime; 4-2 penalti)
1984/85: Juventus 1-0 Liverpull
2004/05: Liverpull 3-3 AC Milan (vazhd.; 3-2 penalti)
2006/07: AC Milan 2-1 Liverpull
2017/18: Real Madrid 3-1 Liverpull
2018/19: Liverpull 2-0 Tottenham
Real Madrid
- Reali kanë fituar një rekord 13 Kupa Evropiane dhe kanë triumfuar në shtatë finalet e fundit, të gjitha në UEFA Liga e Kampionëve. Në përgjithësi rekordi i tyre përfundimtar është 13 fitore dhe 3 humbje.
1955/56: Real Madrid 4-3 Reims
1956/57: Real Madrid 2-0 Fiorentina
1957/58: Real Madrid 3-2 AC Milan (vazhdime)
1958/59: Real Madrid 2-0 Reims
1959/60: Real Madrid 7-3 Eintracht Frankfurt
1961/62: Benfica 5-3 Real Madrid
1963/64: Inter 3-1 Real Madrid
1965/66: Real Madrid 2-1 Partizan
1980/81: Liverpool 1-0 Real Madrid
1997/98: Real Madrid 1-0 Juventus
1999/00: Real Madrid 3-0 Valencia
2001/02: Real Madrid 2-1 Bayer Leverkusen
2013/14: Real Madrid 4-1 Atlético de Madrid (vazhdime)
2015/16: Real Madrid 1-1 Atlético de Madrid (vazhd.; 5-3 penati)
2016/17: Real Madrid 4-1 Juventus
2017/18: Real Madrid 3-1 Liverpull
