Struga Trim Lum dhe Renova nuk i kanë diskutuar fitoret e tyre në takimet e sotme të javës së 32-të, duke bërë që të kapin pozitat ndoshta edhe të dëshiruara, nga gjithë ajo që treguan gjatë këtij sezoni, shkruan “infOSport.mk”.
Struga Trim Lum në Shkup mundi Makedonija Gj.P e Muharem Bajramit me rezultatin 3:1, duke iu hakmarrë njëkohësisht për një humbje identike në kampionat, por edhe për eliminimin në gjysmëfinale të Kupës.
Nemanja Bosançiç shkëlqeu gjatë pjesës së parë, duke shënuar të dy golat e ekipit strugan, teksa në të dytën një gol tjetër për Struga Trim Lum shtoi edhe Bunjamin Shabani. Golin e nderit dhe të vetmin për Makedonija GJ.P, e realizoi mesfushori ofenziv, Arbi Vosha.
Pas pjesës së parë pa gola, Renova falë finalizimeve të Aleksander Borja (63’) dhe Fatjon Jusufit (85’), mundi Skopjen me shifrat 2:0.
Akademia Pandev me rezultatin 2:1 mundi Rabotniçkin, duke siguruar në këtë mënyrë pozitën e dytë dhe daljen në arenën ndërkombëtare, ndërsa me po të njëjtin rezultat, Pelisteri në Manastir ngadhnjeu ndaj Borecit.
Fitores në takimet e sotme iu gëzua edhe Bregallnica, që falë golit të sulmuesit Djokiç, me rezultatin minimal 1:0 mundi Tikveshin.
Derbi i madh shqiptarë midis Shkëndijës dhe FC Shkupit i zhvilluar në Tetovë, u mbyll me barazim pa gola. (infOSport.mk)
|
LPFMV – Java 32 |
||||||||||||||||||
|
