Shkëndija ka bërë një tjetër hap fals në garën për titull, teksa sot nuk shkoi më shumë se një barazim pa gola përballë Akademia Pandevit, njofton “infOSport.mk”.
Ishte ky barazimi i 8-të sezonal për “kuqezinjtë”, që pas 21 xhirove numëorjnë 41 pikë, 10 më pak se FC Shkupi i vendit të parë.
Ndeshja nisi hapur nga të dyja skuadrat, ndërsa me kalimin e kohës Shkëndija nisi të diktonte tempo dhe të krijonte raste, mirëpo Jovanovski, ish gardiani i “kuqezinjëve” ishte pengesa e fundit para golit të Akademia Pandev, skuadër kjo që në Tetovë kishte ardhur për tu mbrojtur, gjë të cilën edhe e arriti.
Nuk mjaftuan edhe tentativat e Gurit, si dhe Hasanit e Doriev, të inkuadruar në pjesën e dytë, për të gjetur golin e epërsisë, me ç’rast Shkëndija pas kësaj jave tashmë ka 10 pikë më pak se liderët e FC Shkupit.
Javën që vjen, Shkëndija do të jetë mysafir i Rabotniçkit në Shkup, ndërsa Akademia Pandev në Strumicë do të mirëpret Borecin. (infOSport.mk)
