KF Vardari për dy futbollistët e saj ka ngritur procedurë disiplinore për shkelje të statutit disiplinor të klubit para ndeshjes së fundit të zhvilluar në Ohër kundër Ohrid Lihnidos në kuadër të javës së 16-të në Ligën e Dytë – Perëndim, njofton “infOSport.mk”.
Fjala është për sulmuesin Filip Petkoski dhe mbrojtësi Trajçe Stojkoski, të cilët një ditë para ndeshjes së të shtunës, ishin parë në një nga kazinot e Ohrit.
“infOSport.mk” kishte bërë publik lajmin lidhur me këtë skandal, ndaj të cilit tashmë kanë reaguar edhe drejtuesit e Vardarit.
Këta të fundit kanë vendosur që Petkoski dhe Stojkoski të gjobiten me 3 paga mujore, ndërsa gjithashtu në 15 ditët e ardhshme do të stërviten me kategoritë e reja. (infOSport.mk)
