Një super ndeshje patëm mundësi të ndjekim në palestrën “Enver Idrizi” në lagjen Serava të Shkupit, aty ku sonte Klubi i Hendbollit të femrave, Çair mirëpriti skuadrën kryesuese të Kumanovës, njofton “infOSport.mk”.
Ndeshja pati dy pjesë të ndryshme. E para foli në favorin e vashave mysafire (16:11), ndërsa në të dytën të përzgjedhurat e trajnerit Basri Latifi ishin superiore, mirëpo duhet pranuar se në disa momente fati nuk ishte me ta.
Ata humbën plotë 5 penalti, ndërsa minutat e fundit duheshe ti zhvillojnë edhe pa kapitenen Rrahmani, pasi kjo e fundit u ndëshkua me të kuq.
Në fund rezultati në semafor tregonte shifrat 25:27 në favor të skuadrës mike, që në ndeshjet e “play-off” ka dy fitore nga po aq ndeshje, ndërsa KHF Çair fitoren e parë do ta kërkojë në ndeshjet e ardhshme, ku shpreson të arrijë në TOP4 nga gjithsej 8 skuadra që janë në garë.
Gulicoska me 7 gola dhe Bozhinovska me 6, ishin më të dalluarat te KHF Çair, ndërkohë tek Kumanova më e spikatur doli të jetë Almeida me 8 gola të shënuar.
Ndeshjen e rradhës skuadra e KHF Çair do ta zhvillojë me 26 shkurt kundër Metalurgut në transfertë. (infOSport.mk)
