Jemi futur në ditën e fundit të afatit kalimtar të janarit, ditë ku është shumë aktive nga skuadrat evropiane.
Afati kalimtar dimëror është më i varfër se ai veror zakonisht, por këtë vit skaudrat kanë qenë shumë aktive duke ndodhur transferime të mëdha.
Edhe në ditën e fundit të transferimeve pritet të jetë nxehtë nga skuadrat e top pesë ligave evropiane që synojnë të marrin objektivat e tyre.
Por kur mbyllet afati kalimtar dimëror në top pesë ligat më të mëdha evropiane?
Bundesliga
Kampionati gjerman Bundesliga është i pari që e mbyll afatin kalimtar dimëror nga top pesë ligat evropiane. Në ora 18:00 mbyllet dritarja e transferimeve në Bundesliga dhe skuadrat gjermane synojnë që të afrojnë lojtarët para kësaj kohe.
Serie A
Ndryshe nga Bundesliga, kampionati italian Serie A është i dyti që e mbyll afatin kalimtar nga top pesë ligat evropiane. Afati kalimtar dimëror në Itali përfundon në ora 20:00 dhe shumë skuadra janë në ‘luftë’ me kohë për t’i regjistruar futbollistët e rinj.
La Liga, Premierliga dhe Ligue 1
Përveç Bundesligës dhe Serie A që mbyllet afati kalimtar më herët, kampionati anglez Premierliga, ai spanjoll La Liga dhe ai francez Ligue 1 kanë të njëjtin orar.
Dritarja e transferimeve në këto tri liga të mëdha mbyllet në momentin që përfundon data 31 janar, pra në ora 00:00.
