Shkëndija ka regjistruar fitore të sigurtë 2:0 përballë Rabotniçkit në ndeshjen e javës së 11-të të zhvilluar në Tetovë, njofton “infOSport.mk”. Nga një gol në secilën pjesë nga ana e talentëve, Dashmir Elezi – Florent Ramadani, bënë që Shkëndija të arkëtojë 3 pikë të vlefshme në luftën drejt kreut të tabelës së klasifikimit, aty ku për momentin ndodhet FC Shkupi, që dje në Çair mundi Renovën me rezultatin 2:1.
Me po të njëjtin rezultat Skopje falë “dopietës” së Alen Jasharovskit mundi Tikveshin në lagjen e Autokomandës në Shkup, derisa Akademia Pandev në Veles mundi Borecin vendas, në bankinën e së cilës skuadër debutoi Jane Nikolloski, ish portieri legjendar i FC Shkupit.
Makedonija GJ.P dhe Struga Trim Lum zhvilluan një ndeshje mjaft të mirë në Gjorçe Petrov, duke barazuar në fund me shifrat 1:1.
Të dy golat erdhën në pjesën e dytë. Fillimisht ishin vendasit që avansuan në minutën e 68-të me anë të mbrojtësit Mlladenovski, ndërsa barazimin Struga Trim Lum e arriti 9 minuta më pas me anë të rezervistit Dejan Cvetanoski.
Fitoren më të thellë këtë javë e regjistroi Bregallnica, që në Manastir mundi 3:0 ekipin e Pelisterit. Martin Stojanov shënoi dy gola në këtë përballje për ekipin nga Shtipi, ndërsa golin e tretë dhe të fundit të takimit e realizoi Stefan Kocev në minutat shtesë të takimit. (infOSport.mk)
|
LPFMV – Java 11 |
||||||||||||||||||
|
