Ditë më parë i dha fund qëndrimit të tij te Shkëndija, duke prishur kontratën me pëlqim të dyanshëm, ndërsa sot u prezantua te skuadra e Borecit.
Fjala është për sulmuesin Ensar Luma, i cili për shkak mungesës së minutazhit, vendosi që të largohet nga klubi i tij i zemrës, Shkëndija, me të cilën skuadër edicionin e kaluar shkruajti historinë, duke u shpallur kampion dhe duke kontribuar me 4 paraqitjet e tij dhe 1 gol të shënuar, njofton “infOSport.mk”.
Për Lumën është kjo një eksperiencë e re, ku shpreson të tregojë cilësitë e tij të larta prej sulmuesi dhe të ndihmojë Borecin në arritjen e objektivave për sezonin e ri.
Skuadra nga Velesi gjatë ditës së sotme startoi me përgatitjet për sezonin e ri, ku ndër të tjerash prezantuan edhe emrat e futbollistëve të rinj.
Përveç Ensar Lumës, Borecit iu bashkuan edhe Riste Karakamishev, Aleksandar Gjorgjieski, Stefan Jakimovski dhe Kristijan Nikollov.
